اسم السجين (اسم الشهرة) : محتجز بقسم شرطة ميت سلسيل

النوع الاجتماعي : ذكر

تاريخ تحرير أو نشر الرسالة : 3/20/2015

السن وقت الاحتجاز: غير معلوم

الوظيفة – نشاط بالمجال العام: –

مكان احتجاز المرسل : قسم شرطة مركز ميت سلسيل

من هنا تبدأ معاناة ميت سلسيل – الجزء الأول

من هنا تبدأ معاناة ميت سلسيل .. أيوة من أول ماتكون في مركزك وتسمع ترحيلة مركز ميت سلسييل وتبدأ الأسماء تتنده و تلاقي كل جنائي طلع الموس من بؤه و شرح جسمه كل ده عشان ما يترحلش مع إن الغلبان مش عارف إن كده كده هتترحل مش بس كده هتترحل ومعاك توصية كمان (التوصية دي حاجة وحشة مش حلوة) ”

لــ يكمل أنه يجب على كل معتقل أن يقف فور سماع اسمه ليأتي ضابط الترحيلات إلى ميت سلسيل النقيب محمود عامر لتبدأ حفلات التعذيب التي رواها كــ التالي: ” من هنا تبدأ حفلات التعذيب النفسي والبدني .. ييجي محمود عامر ويقولنا اعملولي صوت كلب (هوهوهو)… لأ مش سامع أعلي ياولاد، ده أنا الأسد ريتشارد قولوا ورايا انت الأسد.
وبعد أمور اللعب بالنفسية ييجي وقت ركوب عربية الترحيلات وهو الركوب الأصعب .. ندخل العربية واحد واحد وتاخد نصيبك من الضرب تلاقي 2 مخبرين في استقبالك علي باب العربية من الداخل واحد شهرته كليل والتاني اسمه مصباح وتلاقي الضرب عليك من كل مكان بعدها تدخل العربية ومش من حقك تقعد جوه العربية تفضل واقف ”

ويضيف بعد ذلك شهادته على الانتهاكات التي تحدث عند وقوف سيارة الترحيلات في كل مركز لــ ينضم مجموعة معتقلين آخرين مرحلين إلى ميت سلسيل، فــ يقول: ” الترحيلة تدوم لأكثر من 5 ساعات وده لأن بنقف عند كل مركز من المراكز تحمل وياريتها مابتقف .. فاكر الضرب والإهانة بتاعة دخلة العربية ده مش حاجة بالنسبة لدخلة الظابط العربية عند كل مركز ساعتها وشك يكون في الأرض وإيدك ورا ظهرك وطبعاً حافي وواحد واحد ياخد نصيبه من الضرب من الظابط اللي اسمه محمود عامر وبعدين يقولنا عدوا يلا ياولاد الــ ….. ساعتها المفروض إن كل واحد يقول رقمة التسلسلي بأقصي ما عنده من غير مبالغة لازم تحس إن حنجرتك هتطلع من بؤك