اسم السجين (اسم الشهرة) : محمد السيد السيد محمد العشري (محمد عربي)

النوع الاجتماعي : ذكر

تاريخ تحرير أو نشر الرسالة : 7/3/2014

السن وقت الاحتجاز: 23 عام

الوظيفة – نشاط بالمجال العام: طالب بجامعة الأزهر – عضو حركة 6 أبريل الجبهة الديمقراطية

مكان احتجاز المرسل : منطقة سجون طرة

لسه الامل موجود

من سجن طره
3/7/2014
5 رمضان
زنزانه “14” عنبر “ج”
من الفاقد لحريته الى رفقاء النضال :
وحشتونى اوى يا أعز الناس ، خلوا بالكم من نفسكم اوى ، حافظوا على بعض و متيأسوش لسه الامل موجود ، أدعولنا فى كل وقت لاننا محتاجين دعواتكم أوى ، فى مقوله بتقول “الاعتقال هو ضريبه النضال” و احنا بندفع ضريبه نضالنا ، كملوا و استمروا و طالبوا بالحريه لاى معتقل رأى ، احنا مش بنفطر مع أهلنا و حالتنا ربنا هو العالم بيها و حتى العيد هنقضيه فى سجون العسكر و بعد العيد هنفضل شهور فى معتقلنا ، لو انتم سكتوا و نسيتوا القضيه يبقى الضريبه اللى احنا بندفعها دى ملهاش ثمن .

من داخل سجون العسكر 24 شاب و شابه يطالبوكم بأن تستمروا فى نضالكم و طريقكم الحق ، متنسوش البطل “احمد ايمن” طالبوا بحريته و اقفوا معاه .

متنسوش “لسه الامل موجود”