اسم السجين (اسم الشهرة) : محمد حسام الدين محمود علي (كالوشا)
النوع الاجتماعي : ذكر
تاريخ تحرير أو نشر الرسالة : 11/18/2014
السن وقت الاحتجاز: 18 عام
الوظيفة – نشاط بالمجال العام: طالب بكلية الحقوق بجامعة عين شمس
مكان احتجاز المرسل : منطقة سجون طرة
إزيكم يا شباب وبنات المائده؟
بسم الله الرحمن الرحيم
إزيكم يا شباب وبنات المائده؟ يارب تكونوا بخير
وحشتوني كلكم علي فكره , وحشتني قاعدتي معاكم في شارع يوسف الجندي في محمد محمود وشارع “الرايح جي” :))
خدوا بالكم من نفسكم وطمنوني عليكم عن طريق “كانو” ابعتولي معاه جوابات او مع ابويا
اوعوا تيأسوا هنفضل موجودين طول ما احنا مع بعض , اوعوا تزعلوا من بعض , لإننا مالناش غير بعض
ادعولي وادعوا لكل اللي معايا نخرج من السجن عشان انتوا وحشتوني مش هقول اسماء عشان محدش يزعل بس كل واحد أكيد عارف اني بتكلم عنه
بتكلم عنكم مع اصدقائي الجداد الجنائيين اللي معايا في الأوضه وغالباً كده بعمل مجموعة جنائيين مجهولين
اشتغلوا واوعوا حد يحبطكم بس قبل ما تشتغلوا امشوا بالمعادله دي
” فكر , خطط , نفذ ”
هتنجحوا طالما مشيتوا بيها
اضحكوا :)))
كالوشا
سجن القاهرة “تحقيق” بمجمع السجون طرة عنبر 2 غرفة 2/12
18/11/2014
*المجد للمجهولين*
