اسم السجين (اسم الشهرة) : محمد حسانين مصطفي (محمد حسانين)

النوع الاجتماعي : ذكر

تاريخ تحرير أو نشر الرسالة : 3/13/2016

السن وقت الاحتجاز: غير معلوم

الوظيفة – نشاط بالمجال العام: مؤسس جمعية بلادي لإيواء أطفال الشوارع

مكان احتجاز المرسل : منطقة سجون طرة

من سجن طرة إلى سجن القناطر

“من سجن طرة إلى سجن القناطر ..” ﻣﻦ ﺍﻟﻤﻴﺪﺍﻥ ﺇﻟﻰ…….ﻛﻞ ﻋﺎﻡ ﻭﺃﻧﺘﻲ ﺯﻭﺟﺘﻲ….ﻛﻞ ﻋﺎﻡ ﻭﺃﻧﺘﻲ ﺣﺒﻴﺒﺘﻲ…ﻛﻞ ﻋﺎﻡ ﻭﺃﻧﺎ ﺣﺒﻴﺒﻚ….ﻛﻞ ﻋﺎﻡ ﻭﺃﻧﺘﻲ ﻣﻨﺒﻊ ﺇﻧﺴﺎﻧﻴﺘﻲ…ﻛﻞ ﻋﺎﻡ ﻭﺃﻧﺘﻲ ﺿﻤﻴﺮﻱ….ﻛﻞ ﻋﺎﻡ ﻭﺍﻧﺘﻲ ﺟﺰﻳﺮﺗﻲ ﻟﻺﻧﺴﺎﻧﻴﺔ
ﺯﻱ ﺍﻧﻬﺎﺭﺩﺓ ﻣﻦ 3ﺳﻨﻴﻦ ﻗﺮﺭﻧﺎ ﻧﺘﺠﻮﺯ، ﺑﻌﻴﺪ ﻋﻦ ﻛﻞﺍﻻﻋﺮﺍﻑ. ﻛﺎﻡ ﻭﺍﺣﺪﺓ ﻓﻲ ﺍﻟﻌﺎﻟﻢ ﺗﻘﺪﺭ ﺗﺎﺧﺪ ﻗﺮﺍﺭﻙ،ﺍﻧﻬﺎ ﺗﻀﺤﻲ ﺑﺎﻟﻤﻬﺮ ﻭﺍﻟﺸﺒﻜﺔ ﻭﺍﻟﺸﻘﺔ ﺍﻟﺘﻤﻠﻴﻚ، ﻣﻦﺃﺟﻞ ﺃﻫﺪﺍﻑ ﻭﺃﺣﻼﻡ ﺍﻟﻤﺴﺘﻔﻴﺪ ﻣﻨﻬﺎ ﺍﻹﻧﺴﺎﻧﻴﺔﻭﺗﻮﺍﻓﻖ ﺗﻌﻤﻞ ﻛﺪﺍ، ﻭﺗﺨﻄﻂ ﺑﺤﻘﻮﻗﻬﺎ ﺩﻱ ﻟﺠﺰﻳﺮﺓ ﻟﻺﻧﺴﺎﻧﻴﺔ. ﺷﻜﺮﺍ ﻳﺎ ﺑﻮﺟﻲ
ﻓﻲ ﺍﻟﺴﻨﺔ ﺍﻟﺜﺎﻟﺜﺔ ﻟﻴﻨﺎ ﺟﻮﺍﺯ ﺑﻌﺪ ﻣﺎ ﻗﻀﻴﻨﺎ ﺃﺟﻤﻞ ﺳﻨﺔ ﻓﻲ ﺣﻀﻦ ﺑﻌﺾ ﻭﺳﻨﺘﻴﻦ ﻓﻲ ﺃﺣﻀﺎن ﺍﻟﺴﺠﻮﻥ، ﺑﻘﻴﻨﺎ ﻋﺎﺭﻓﻴﻦ ﻭﻣﺘﺄﻛﺪﻳﻦ ﺃﺩ ﺃﻳﺔ ﺍﻧﺎ ﺑﺤبك ﻭﺃﻧﺘﻲ ﺗﺤﺒﻴﻨﻲ. ﻟﻜﻦ ﺍﻟﺴﺆﺍﻝ ﺍﻟﻤﻬﻢ ﻫﻮ ﻟﻴﺔ ﺍﻟﻠﻲ ﺣﺒﺴﻨﺎ ﻇﻠﻢ ﺑﻴﻜﺮﻫﻮﻧﺎ؟
ﺑﻘﻴﻨﺎ ﻣﺴﺘﻌﺪﻳﻦ ﺍﻟﺘﻀﺤﻴﺔ ﺑﺄﻱ ﺷﺊ ﺣﺘﻰ ﻟﻮ ﺣﺮﻳﺘﻨﺎﺍﻭ ﺣﻴﺎﺗﻨﺎ ﻣﻘﺎﺑﻞ ﺍﻟﻘﻀﺎﺀ ﻋﻠﻰ ﻇﺎﻫﺮﺓ ﺃﻃﻔﺎﻝﺍﻟﺸﻮﺍﺭﻉ ﻭﻛﻤﺎﻥ ﻳﺎ “ﺃﻳﺔ” ﻣﺘﺄﻛﺪ ﺇﻧﻨﺎ ﺍﻥ ﺷﺎﺀ ﺍﻟﻠﻪﻫﻨﺨﺮﺝ، ﻭﻟﻜﻦ ﻣﺶ ﻋﺎﺭﻑ ﺍﺣﻨﺎ ﻟﻴﺔ ﺍﺻﻼ ﺍﺗﺤﺒﺴﻨﺎ؟
ﺑﻘﻴﺖ ﺩﺍﻳﻤﺎ ﻋﻨﺪﻱ ﺍﺣﺴﺎﺱ ﺍﻥ ﺍﻧﺎ ﻭﺍﻧﺘﻲ ﻻﻋﺒﻴﻦﺍﺣﺘﻴﺎﻃﻲ ﻓﻲ ﻓﺮﻳﻖ، ﻭﺍﻟﻼﻋﺐ ﺩﺍ ﺣﺎﺳﺲ ﺩﺍﻳﻤﺎ ﺍﻧﻪﻫﻴﻨﺰﻝ ﻳﺠﻴﺐ ﺟﻮﻥ، ﻟﻜﻦ ﻣﺴﺘﻨﻲ ﺍﻣﺘﻰ ﻳﻨﺰل ﻭﺍﻣﺘﻰ ﻳﺠﻴﺐ ﺍﻟﺠﻮﻥ ﻣﺶ ﺑﻌﺪ ﻓﻮﺍﺕ ﺍﻷﻭﺍﻥ؟ ﺩﺍﺍﻟﺴﺆﺍﻝ ﺍﻟﻠﻲ ﻣﺶ ﻻﻗﻲ ﻟﻪ ﺇﺟﺎﺑﺔ ﻋﻨﺪﻱ ﻟﺤﺪﺩﻟﻮﻗﺘﻲ.
ﺑﺲ ﻛﻤﺎﻥ ﻳﺎ ﺑﻄﻠﺔ ﺍﺣﻨﺎ ﻛﻨﺎ ﻃﻮﺍﻝ ﺍﻟـ 3 ﺳﻨﻴﻦ ﺍﻟﻠﻲﻓﺎﺗﻮﺍ ﺳﻨﺪ ﺑﻌﺾ ﻭﺩﻋﻢ ﻭﻗﻮﺓ ﻭﻃﺎﻗﺘﻲ، ﻭﻃﻮﻝﺍﻟﺤﺒﺴﺔ ﻭﻗﺒﻠﻬﺎ ﺍﻟﺤﻤﺪ ﻟﻠﻪ ﻋﻤﺮﻧﺎ ﻣﺎ ﻧﺴﻴﻨﺎ ﺃﻫﺪﺍﻓﻨﺎﻭﻻ ﺍﺣﻼﻣﻨﺎ ﻭﻻ ﻋﻤﺮﻧﺎ ﻫﻨﻨﺴﻰ ﺍﻻﻫﺪﺍﻑ ﺩﻱﻭﻧﺤﻘﻘﻬﺎ ﻭﻫﻨﺤﻘﻘﻬﺎ، ﻭﺍﻥ ﺍﻟﺘﺤﺪﻱ ﺍﻟﺤﻘﻴﻘﻲ ﻟﻴﻨﺎﻓﻲ ﺍﻟﺴﺠﻦ ﻫﻮ ﺍﻟﻤﺤﺎﻓﻈﺔ ﻋﻠﻰ ﺩﻩ .ﻭﻋﺸﺎﻥ ﻧﺤﻘﻖﺩﻩ ﻻﺯﻡ ﺩﺍﻳﻤﺎ ﻋﻴﻨﻴﻨﺎ ﻣﺎ ﺗﺘﺮﻓﻌﺶ ﻋﻦ ﺣﻠﻤﻨﺎ ﺍﺑﺪﺍﻭﻣﺎﻧﻨﺴﺎﺵ ﺟﺰﻳﺮﺗﻨﺎ، ﻻﻥ ﺍﻟﺴﺠﻦ ﻫﺪﻓﻪ ﺍﻻﻭﻝ ﻫﻮﻫﺰﻳﻤﺘﻨﺎ ﻣﻌﻨﻮﻳﺎ ﻭﺗﻜﺴﻴﺮ ﻋﺰﻳﻤﺘﻨﺎ ، ﻭﻟﻜﻦ ﺍﺣﻨﺎﻭﺍﻟﺤﻤﺪ ﻟﻪ ﺍﻟﺤﺒﺴﺔ ﺯﻭﺩﺕ ﻋﺰﻳﻤﺘﻨﺎ ﻭﻗﻮﺗﻨﺎ ﻭﺻﺒﺮﻧﺎﻭﻛﻤﺎﻥ ﺣﺒﻨﺎ ﻭﺍﺷﺘﻴﺎﻗﻨﺎ ﻟﺒﻌﻀﻨﺎ.
ﺑﻄلتي ﻓﻲ ﻳﻮﻡ ﺟﻮﺍﺯﻧﺎ ﻻﺯﻡ ﺃﻛﻠﻤﻚ ﻋﻦ ﺣﺒﻨﺎ ﻟﺒﻌﺾ ﻭﺍﺷﺘﻴﺎﻗﻨﺎ ﻟﺒﻌﺾ، ﻟﻜﻦ ﺍﻧﺎ ﻫﻜﻠﻤﻚ ﻋﻦ ﺍﻟﺤﺐ ﺍﻻﻛﺒﺮ،ﺣﺒﻨﺎ ﻟﻺﻧﺴﺎﻥ، ﺍﻟﻤﻔﺮﻭﺽ ﻳﻮﻡ ﻋﻴﺪ ﺟﻮﺍﺯﻧﺎ ﺃﻛﻠﻤﻚﻋﻦ ﺃﻃﻔﺎﻟﻨﺎ ﺍﻟﻠﻲ ﻟﺴﺔ ﻣﺠﻮﺵ ﻟﻜﻦ ﺍﻧﺎ ﻫﻜﻠﻤﻚ ﻋﻦﺍﻷﻃﻔﺎﻝ ﺍﻟﻠﻲ ﻣﻦ ﻏﻴﺮ ﻣﺄﻭﻯ ﺍﻟﻠﻲ ﻟﺴﺔ ﻣﺮﺟﻌﻮﺵ.ﻳﻮﻡ ﻋﻴﺪ ﺟﻮﺍﺯﻧﺎ ﺍﻟﻤﻔﺮﻭﺽ ﺍﻛﻠﻤﻚ ﻋﻦ ﺍﻟﺒﻴﺖ ﺍﻟﻠﻲ ﺑﻨﺤﻠﻢ ﺑﻴﻪ ﻟﻜﻦ ﺍﻧﺎ ﻫﻜﻠﻤﻚ ﻋﻦ ﺍﻟﻮﻃﻦ ﺍﻟﻠﻲ ﺑﻨﺤﻠﻢﺑﻴﻪ، ﻭﻃﻦ ﻣﻔﻴﺶ ﻓﻴﻪ ﻃﻔﻞ ﺑﻼ ﻣﺎﻭﻯ ﻭﻻ ﺳﺖﺑﻴﺘﺤﺮﺷﻮﺍ ﺑﻴﻬﺎ ﻭﻻ ﺗﻌﻠﻴﻢ ﺇﻟﻼ ﺗﻌﻠﻴﻢ، ﺍﺣﻨﺎ ﺑﻨﺤﻠﻢﺑﻮﻃﻦ ﻧﻌﻴﺶ ﻓﻴﻪ ﻣﻦ ﻏﻴﺮ ﺯﺑﺎﻟﺔ ﻓﻲ ﻛﻞ ﻣﻜﺎﻥ.ﺍﺣﻨﺎ ﺑﻨﺤﻠﻢ ﺑﻮﻃﻦ ﻧﻌﻴﺶ ﻓﻴﻪ ﺯﻱ ﻣﺎ ﻫﻮ ﻋﺎﻳﺶ ﻓﻴﻨﺎ.ﺗﻌﻠﻤﻲ ﺇﻥ ﺍﻧﺎ ﺑﺤﺒﻚ ﻭﻟﻜﻦ ﻻﺑﺪ ﺃﻳﻀﺎ ﺍﻥ ﺗﻌﻠﻤﻲ ﻟﺴﺔ ﺍﺟﻤﻞ ﻳﻮﻡ ﻣﺠﺎﺵ … ﻟﺴﺔ ﺍﻻﻣﺎﻧﻲ ﻣﻤﻜﻨﺔ
ﺑﺤﺒﻚ ﺟﺪﺍ
ﺯﻭﺝ ﺣﺎﻟﻢ ﺑﺠﺰﻳﺮﺓ ﻟﻼﻧﺴﺎﻧﻴﺔ ﺑﺤﺒﻚ ﻳﺎ ﺷﺮﻳﻜﺘﻲ ﻓﻲ ﺍﻟﻜﻔﺎح
13 ﻣﺎﺭﺱ 2016 محمد حسانين