اسم السجين (اسم الشهرة) : محمود طلعت (طمطم)

النوع الاجتماعي : ذكر

تاريخ تحرير أو نشر الرسالة : 7/25/2016

السن وقت الاحتجاز: غير معلوم

الوظيفة – نشاط بالمجال العام: –

مكان احتجاز المرسل : قسم شرطة كرموز

مساء الخير .. كيفكم 

مساء الخير .. كيفكم ، أتمني تكونوا بخير ،وحشتوتي كلكم لا استثني أحد
احنا كويسين و جدعان زي ما سيبتونا ولسه بنقول الأرض أرضنا ومش ناسيين قضيتنا واتمني تكونوا انتوا لسه فاكرينها وفاكرين حقنا الي هناخده بكره
وحشتيني يا أمي ووحشني حضنك وضحكتك. الي بدأت انساها وانسي ملامح وشك الجميل من كتر الحزن والأسي الي سيطرو عليكي ،عايز اقولك اسف اني كنت فاكر اني كنت اقدر اغير الكون واقدر احقق حلمي بانتصار الثورة … آسف علي كل لحظه خوف و رعب و ضعف خليتك تحسيها والله يا أمي معملناش حاجه غلط ،مفكرناش ابداً فالشر ولا اننا نضر حد ،عارف ان الكلام ده مش وقته .. بس بردو انتي غلطانه. انتي ربيتيني علي اني مسكوتش عالظلم ولا اخاف طول ما بدافع عن الحق والعدل والحريه والوطن والغلابه ،، مش عارف والله كلامي ده صح ولا غلط .. مشوعارف لحد دلوقتي اعمل ايه لما اخرج؟! هل استمر ف افكاري و ادبياتي ولا اعيش حياة تقليديه زي باقي البشر بدور علي استفاده ماديه لشخصي وملعون ابو الافكار والاراء الحريات ؟؟! صدقيني يا أمي اختلط عليا الامر مش عشان مسجون ولا عشان بتعرض ظلم …لكن عشان بدأت احس ي بظلمك معايا مش عارف يا امي..مش عارف ….مش عارف غير اني بحبك