اسم السجين (اسم الشهرة) : مهاب عبد الونيس طلبه (مهاب كيتا)

النوع الاجتماعي : ذكر

تاريخ تحرير أو نشر الرسالة : 10/11/2015

السن وقت الاحتجاز: 21 عام

الوظيفة – نشاط بالمجال العام: طالب بكلية الهندسة بأكاديمية الشروق

مكان احتجاز المرسل : منطقة سجون/تأهيل وادي النطرون

تغير إدارة سجن ملحق وادى النطرون

رسالة مهاب المعتقل بسجن وادي النطرون
اليوم الأحد الموافق 11 10 2015 اليوم الـــ 688 من الصمود
تم تغير إدارة سجن ملحق وادى النطرون منذ حوالى شهر بسببالأحداث الأخيرة اللى حصلت فى السجن والإدارة الجديدة أول ماجت وعدت بحل كافة المشاكل وطلبوا مننا فترة من الوقت نصبر عليهم لحد ما يعرفوا طبيعة السجن ومرت الأيام وإحنا مستنيين نشوف جديد لحد ما إدارة السجن أخذت قرار بقفل جميع منافذ التهوية فى الزنازين وبيقولوا إنها أوامر المصلحة فالناس رفضت عندنا فىالزنزانة لأن معظم الناس عندنا فى الزنزانة ناس كبيرة فى السن أعمارهم 50 و60 عام بالأضافة أصلآ إن الزنزانة مساحتها 3 × 4 م وفيها 26 فرد والتهوية اللى موجودة فيها تكاد تكون معدومة ورئيسالمباحث أسر على القرار وجاب العساكر والظباط بالشوم وشدواأحد الأخوة من الزنزانة وهو رجل كبير فى السن ومريض ونزلوا فيه ضرب وأحنا أعدنا نخبط على الباب لحد مابطلوا ضرب وبعدين أخدوالأخ على العيادة وده كانت بداية المشكلة تانى يوم طلعنا تريض والتريض هى الفترة اللى بيتم السماح لينا الخروج من الزنزانة ومدتهاساعتين بعد الساعتين لما خلصوا رفضنا دخول الزنازين إلا لما يتم عمل محضر رسمى باللى حصل جه المأمور ومعاه الضباط وهمابيتكلموا معانا قام أحد الضباط بضرب أحد الأخوة وسبله الدين وطبعآ بعد الموقف ده الضابط أنضرب وأتعمل معاه الصح وبعدها الإدارة بتاعت السجن هدت الموقف ونفذوا كل مطالبنا وكانوا بيهدونا مش أكثر وتانى يوم رئيس مصلحة السجون ورئيس منطقة وادى النطرون جم السجن ومعاهم قوات فض الشغب وقوات خاصة وحاصروا العنابر ومنعونا من الخروج من الزنازين وبقوا يمنعوا عننا أكل السجن حتى الزيارات بقينا نشوف أهلنا حوالى 5 دقائق وأخر زيارة الأهل بيفضلوا بره السجن من الساعة 6 الصبح لحد 3 العصر علشان يشوفونا 5 دقائق؟؟؟؟ وبعدها بكام يوم جه مساعد وزيرالداخلية ومعاه قوات فض الشغب وأعد يمجد فى الكلب السيسى وهددنا بالقتل وبعدها أتعرضنا على أمن الدولة خلال العرض ضابط أمن الدولة قالى أنت بتحرض الناس على ضرب الضابط
قولتلوا محصلش قولتلوا اللى حصل إن الضابط ضرب واحد واحد مننا وذى ما ضرب أنضرب .
رد عليا وقال أنت عارف ضرب ضابط لو أتحكمت فيها هتاخد فيهاأد أيه رديت عليه
قولتلوا مش فارقة كتير أنا واخد 5 سنين سجن زود عليهم 5 كمان يبقوا عشرة وفى الأخر كلها أحكام ما أنزل الله بها من سلطان ولما ربنا عزوجل يريد إنى أخرج هخرج وذكرته بقولالمولى عزوجل فى سورة (( النحل )) (( إنما قولنا لشىء إذا أردنه أن نقول له كن فيكون )) (( الأية 40 ))
رد عليا وقال وشرف أمى لخليك تقضى الــ 5 سنين فى السجن مش هتخرج غير لما تتعرض عليا تانى.
رديت عليه وقولتلوا (( فَاقْضِ مَا أَنتَ قَاضٍ إِنَّمَا تَقْضِي هَذِهِ الْحَيَاةَ الدُّنْيَا )) (( سورة طه الأية 72 ))
وكملت كلامى وقولتلوا أنى أنا جيت السجن علشان عقيدة ومبدأ وعارف إنى ممكن أموت أو أتسجن وكنت مستعد إنى أضحى بعمرى كله فى سبيل دينى فمش هخاف من تهديدك أنى أقضى كام سنةفى سجن ولازم تفهم إنك بتتعامل مع جيل جديد بايع حياته لله مش فارقة معاه وطول ماربنا مدينى عمر عمرى ما هسكت عن الظلم حتى ولو كان الثمن حياتى .
رد عليا وقال يا أبنى أنت لسا صغير عندك 21 سنة وأنت ذى أبنىأقبل نصحتى وصلى وصوم وخليك فى حالك وأبعد عن الطريق اللىأنت ماشى فيه علشان تخرج وقالى أنا كنت جاى اليوم أنا والقوةاللى معايا علشان نغربكم ونوديكم لسجن الوادى الجديد وأهلكم هيتعبوا بس أحنا قولنا نديكم فرصة تانية لأن رئيسنا السيسى علمنا الحنية وبعدها أتكلبشت خلفى ورجعونى الزنزانة والوضع أصبح صعب فى السجن أكثر من الأول نسألكم الدعاء .